Өзекті
YOUTUBE СТАТИСТИКАСЫ
ҚАРАУЛАР
500 517 800
ЖАЗЫЛУЛАР
887 000
РЕАКЦИЯЛАР 473 394 325
INSTAGRAM ЖӘНЕ TIKTOK СТАТИСТИКАСЫН ҚОСПАҒАНДА
AIRAN / АЙРАН — публицистикалық және білім беру мақсатындағы видеоконтент шығаруға арналған қазақстандық редакция. Біздің мақсатымыз - мүмкіндігінше еркін, объективті және жауапты болу. Міндетіміз – цензурасыз, өткір, бірақ сонымен бірге тексерілген және салмақты контентке деген қоғам сұранысын қанағаттандыру. Біз саяси қитұрқы ойындар, кәсіпкерлер арасындағы жанжалдар мен элитааралық қырқыстар туралы емес, адамдар мен олардың тауқыметтері туралы айтатын боламыз.
AIRAN / АЙРАН — телеарналарда көп жылдар бойы жұмыс істеп келе жатқан кәсіби журналистер, продюсерлер, операторлар және бейне инженерлер командасы. Біз әлеуметтік желілерде де сапаны жоғары қоямыз.
Біз материалдарымызда түрлі пікірлер мен дауларға жол бергенімізбен, өмірдегі қайшылықтарға қарсымыз. Көрерменді хабардар ету, түсіндіру және көмектесуді өз миссиямыз деп санаймыз, бірақ болып жатқан оқиғалар туралы тұжырымға оның өзі келуі керек деп есептейміз. Біз орындаушылықты жоғары сапаға жеткіземіз, зерттеулерде тереңдікке және сындарлы көзқарасқа ұмтыламыз. Біз үшін шынайылық, оптимизм және мысқыл сезімі маңызды.
Жазылушыларымыздың саны 500 мыңға жеткенде графикалық үзілістегі жағымсыз «жұтқыншақ» үнін алып тастаймыз.
БІЗДІҢ ҚҰНДЫЛЫҚТАРЫМЫЗ
Объективтілік
Міндетіміз - болып жатқан оқиғалапды толыққанды жария ету. Қорытынды жасау - көрерменнің құқығы. Эмоция мен жорамалдарды шындық ретінде тарату дұрыс емес. Ақпаратты бұрмалап, тараптардың бір жағына шығу да қисынға жатпайды.
Фактчекинг
Мәліметтерді нақтылау, деректерді тексеру мен дереккөздердің беделіне көз жеткізу көп уақытты қажет етеді. Бірақ бұл қауесеттерден «хайп» жасауға қарағанда жақсырақ. Кадрдағы және кадр сыртындағы жауапкершілік – үлкен капитал.
Шыншылдық пен шынайылық
Көрерменге ұнайтын нәрсені емес, шындықты айту абзал. Одан да жаманы – қоғамдық пікірдің ығына жығылу үшін деректерді жарияламай, жасырып қалу. Есту жақпай тұрса да, сан қилы пікірлерді ортаға салуға күш жұмылдырамыз. Қатал да болса ақиқатты ашып, шындықты жайып саламыз.
Этика
Ақпарат көздерін құрметтейміз және қорғаймыз. Біз оларға да, көрермендерімізге де, тіпті бізді әлі көрмегендерге қатысты да адалдық танытамыз. Адамдар туралы және адамдар үшін жазамыз. Басқалардан көшіріп алмаймыз. Ешкімге қатысты сырттан жорамал айтып, кесіп-пішіп пікір айтпаймыз. Өзімізге қатысты әділетсіздікке де жол бермейміз және басқаларға да ор қазбаймыз.
Әзіл
Әзіл-қалжыңсыз өмір жоқ. Бірақ бұл жерде де асыра сілтемеуге тырысамыз. Әзіл төңіректе болып жатқан дүниелердің кесірінен естен адаспауға көмектеседі, ал өз-өзіңе мысқылдай қарау «жұлдыздық» дертінен жырақтауға жәрдем. Езу тарту себептерін күн сайынғы жаңалық таспаларынан табасыздар.
АЙРАНДЫ КІМ ЖАСАЙДЫ
Команданың қысқаша жалпы сипаттамасы:
Редакциямызда кәсіби журналистер жұмыс істейді. Мүмкін бізді бір жерде көрген, естіген немесе оқыған шығарсыз.
Біз қаншамыз:
РЕДАКЦИЯ ҚЫЗМЕТКЕРЛЕРІ 0
ШТАТТАН ТЫС ҚЫЗМЕТКЕРЛЕР +0
ШАҚЫРЫЛАТЫН ЖҮРГІЗУШІЛЕР +0
